停止過度思考！4個方法幫你重拾正確嘅練習心態

唔知大家有冇留意到好多時候，我哋都將簡單嘅嘢複雜化咗。例如係：好多初學者未開始練習，就已經諗得太多... 佢哋會問：「呢個動作係咪要咁樣？」「隻手擺高啲定低啲？」「呼吸應該點配合？」雖然求知慾強係好事，但有時諗得太多反而阻礙咗練習本身。 記得以前我自己初學瑜伽嘅時候，反而冇咁多前設。我淨係專注練習，用身體去感受，慢慢建立起紮實嘅基礎。而家就算停練一兩個月，基本功都仲喺度。 好似學踩單車咁 諗諗下，學瑜伽同學踩單車其實好似。你試過問人：「車向左傾，我係咪要向右打？定係跟住個車身嘅方向？」諗到頭都大，但其實上車試下，跌幾次，身體自然就會明白。 瑜伽都係一樣 你唔使一開始就要完全明白晒所有嘢，最緊要係： 放低比較心，專注自己嘅練習 接受自己嘅極限，唔使強求 保持覺察，留意身體嘅反應 相信練習嘅過程，慢慢感受進步 點解要搵專業老師？ 雖然而家網上教學資源咁豐富